Պատահական չեն սպառողների այս անկեղծ գովեստներն ու գնահատականը. շուրջ 75 տարի լավագույն ավանդույթներով ու մեծ նվիրումով «Սևանի հացի գործարան»- ը սպառողին մատուցում է համեղ ու որակյալ հացամթերք: Երկարամյա գործունեության ընթացքում գործարանը հանապազօրյա հացը պատրաստում է՝ պահպանելով հիգիենայի բոլոր կանոնները, մարդկանց ամենօրյա սեղանը զարդարելով անուշաբույր հացով:
Աշոտ Ավետիսյանը 2 տասնամյակից ավելի ղեկավարում է «Սևանի հացի գործարան»-ը՝ Սիրտ ու հոգի դնելով հացի արտադրության մեջ: Պատրաստվում է շուրջ 60 տեսակի հաց, այդ թվում՝ մատնաքաշ, սև հաց, լավաշ,հացաբուլկեղեն : Ղեկավար Աշոտ Ավետիսյանը՝ կոլեկտիվի հետ միասին, ամենօրյա հետևողական աշխատանքի արդյունքում ապահովում է բարձր որակ:
Հացի արտադրությանն այստեղ վերաբերվում են որպես իսկական արվեստի:
Հացը պատրաստվում է մեծ խնամքով ու ջերմությամբ: Եվ պատահական չէ սպառողների մեծ գոհունակությունը, ինչն ավելի է ոգևորում կոլեկտիվին:
Ոլորտում առկա մրցակցությունը չի խանգարում Սևանի հացին հաստատուն մնալ իր դիրքերում:
«Արմպրոդ էքսպո» 2015 ցուցահանդեսին «Սևանի հացի գործարան»-ը ներկայացել էր իր հարուստ ու ախորժաբեր հացամթերքի տեսականիով:Տաղավարի շուրջ իսկական իրարանցում էր,բոլորը շտապում էին օգտվել անվճար հյուրասիրությունից:
Վարչապետ Հովիկ Աբրահամյանը պաշտոնական շրջայցի ժամանակ զրուցեց գործարանի ղեկավար՝ Աշոտ Ավետիսյանի հետ:
Էքսպոյի փակման հանդիսավոր արարողության ժամանակ,ազգային համեղ հացատեսակները ներկայացնող «Սևանի հացի գործարան»-ը, արժանացավ ոսկե մեդալի՝ բարձրորակ արտադրության համար:
