Բիոիմպեդանսոմետրիան նորագույն հետազոտություն է, որով որոշվում է մարմնի բաղադրությունը և, ըստ այդմ, տեղի է ունենում մարմնի քաշի շտկում` նյութափոխանակության կարգավորման միջոցով: Հետազոտության միջոցով մարդը լիարժեք պատկեր է ստանում օրգանիզմում տեղի ունեցող նյութափոխանակության մասին, գնահատում սեփական առողջական վիճակը և, հարկ եղած դեպքում, կարողանում շտկել այն: Բիոիմպեդանսոմետրիա իրականացնող անալիզատորի աշխատանքի հիմքում ընկած է էլեկտրական ալիքների անցողականությունը մարմնի հյուսվածքների միջով: Այն հատուկ ծրագրի շնորհիվ, հստակորեն որոշում է ոչ միայն մարմնի քաշը, այլև մարդու մարմնի բաղադրությունը`ջրի, ճարպային, մկանային շերտի, հեղուկների քանակը, ինչպես նաև օրգանիզմի ոսկրային զանգվածը: Ուշագրավն այն է, որ սարքը, ելնելով օրգանիզմի վերոնշյալ տվյալներից, որոշում է օրգանիզմի իրական կենսաբանական տարիքը:
Դեռևս 60-ական թվականներից այս անալիզատորը մեծ տարածում է գտել Ռուսաստանում և Ամերիկայի Միացյալ Նահանգներում: Բիոիմպեդանսոմետրիան ցուցված է ոչ միայն նրանց, ովքեր ցանկանում են ճիշտ կերպով նիհարել` առանց վնասելու օրգանիզմին, այլև նրանց, ում մոտ արդեն իսկ նկատելի են անորեքսիկ երևույթներ: Բիոիմպեդանսոմետրիայի անբաժանելի մասը կարգավորող դիետան է` մի քանի փուլերով: Առաջին փուլի տևողությունը 4 շաբաթ է, հետագա փուլերի տևողությունն արդեն կախված է կրկնակի հետազոտության տվյալներից: Յուրաքանչյուր փուլին ավարտին դիետան փոխվում է: Նիհարելու ողջ ընթացքը տևում է շուրջ երկու տարի:
Ախտորոշման յուրատեսակ այս մեթոդի թիվ 1 առավելությունը խելացի կերպով օրգանիզմից ճարպային զանգվածի հեռացումն է: Մեթոդի հեղինակները հավաստում են, որ կուրսի ավարտին, օրգանիզմի նյութափոխականությունը այնքան է կարգավորվում, որ անկախ հետագա սննդակարգից, մարմնի քաշի փոփոխություններ այլևս չեն նկատվում: Անալիզատորը միակն է Հայաստանում և գտնվում է “Աքսիոմեդ” բժշկական կենտրոնում:
Հրաշք սարք, որի միջոցով ախտորոշված բոլոր այցելուների մոտ կուրսի ավարտին նկատվել է մարմնի քաշի նվազում՝ արդեն իսկ 1 շաբաթվա ընթացքում ՝ առանց օրգանիզմի ջրազրկման, ինչը շատ կարևոր է, այցելուն նիհարում է՝ հավասարակշռելով սննդի ընդունումը և ճարպերի այրումը:
Եվս մեկ կարևոր հանգամանք` այս մեթոդով նիհարելուց հետո չի առաջանում ոչ մի խնդիր, որ, անկասկած, կառաջանա ոչ գրագետ ձևով՝ տնական ու զանազան այլ մեթոդներով նիհարելու պարագայում, օրինակ՝ ստամոքսի խանգարումներ, քաղցի զգացողություն, գլխապտույտներ և այլն: