2016թ. հունիսի 11-ից 13-ը Երևանում «Դոմ Մոսկվի» մշակութագործարարական կենտրոնում կկայանա «Երջանիկ Մանկություն» EXPO 2016 միջազգային մասնագիտացված ցուցահահդեսը, որի կազմակերպիչներն են՝ «Ինտեր Էքսպո» ցուցահանդեսային ընկերությունը և Ռուսաստանի գիտության և մշակույթի կենտրոնը Երևանում: Ցուցահանդեսի պաշտոնական աջակիցն է՝ ՀՀ աշխատանքի և սոցիալական հարցերի նախարարությունը: «Երջանիկ Մանկություն» EXPO 2016 նվիրված է երեխաների պաշտպանության միջազգային օրվան:
Չնայած աշխարհում ստեղծված բարդ տնտեսական իրավիճակին, ցուցահանդեսները մրցակցային պայքարում միշտ մնում են ամենաարդյունավետ գործիքը շուկաների գրավման գործում: Մեր միջոցառումը կդառնա յուրահատուկ հարթակ հայրենական սպառողին բարձր որակի մանկական ապրանքներ և ծառայություններ ներկայացնելու համար:
Ցուցահանդեսը հագեցված կլինի տոնական մթնոլորտով, որտեղ նույնիսկ մեծահասակները իրենց կառող են մանուկ զգալ: Ցուցահանդեսի մասնակիցները կներկայացնեն ինչպես լայն սպառողին, այնպես էլ բիզնեսի ներկայացուցիչներին ապրանքներ և ծառայություններ, որոնք զգալիորեն կթեթևացնեն ծնողական հոգսերը և կդարձնեն ավելի դյուրին հաղթահարելի. ապրանքներ նորածինների խնամքի համար, կերակրելու պարագաներ, անկողնային պարագաներ, հագուստ, կոշիկ, մանկական կահույք, խաղալիքներ, մանկական տեղեկատվական գրականություն և այլն:
Հատուկ ուշադրության կարժանանան Հայաստանի մանկատները, որոնք ցուցահանդեսին կներկայացնեն աշխատանքները՝ պատրաստած իրենց իսկ սաների ձեռքերով:
«Երջանիկ Մանկություն» EXPO 2016 երեք աշխատանքային օրերի ընթացքում հագեցած կլինի տարբեր միջոցառումներով և մրցույթներով՝
- Ֆոտոմրցույթ «Երջանիկ մանկիկ» EXPO 2016,
- Մրցույթ լավագույն նկարի համար,
- Մրցույթ լավագույն պլաստիլինե քանդակի համար,
- Զվարճալի շոու ծրագիր հեքիաթային հերոսների մասնակցությամբ,
- Վարպետաց դասեր,
- Մանկական հագուստի ցուցադրում,
- Ուսուցողական և զարգացնող խաղեր և այլն:
Երևանում Ռուսաստանի գիտության և մշակույթի կենտրոնը կկազմակերպի մանկապարտեզների զարգացմանը նվիրված կոնֆերանս, որը կանցնի ցուցահանդեսի շրջանակներում:
«Երջանիկ Մանկություն» EXPO 2016 ցուցահանդեսը մանկական ապրանքների շուկայի և բիզնեսի զարգացման մտքերի անսպառ աղբյուրն ու լավագույն խթանն է: Ուստի Ձեր ընկերության մասնակցությունը մեր ցուցահանդեսին կրկնակի անգամ արժեվորվում է:
«Ինտեր Էքսպո» ընկերությունը՝ որպես կազմակերպիչ կանի հնարավոր ամեն ինչ, որպեսզի ձեր մասնակցությունը «ԵՐՋԱՆԻԿ ՄԱՆԿՈՒԹՅՈՒՆ» EXPO 2016 ցուցահանդեսին լինի առավելագույնս հարմարավետ:
Մենք սպասում ենք Ձեզ
Հարգանքներով,
«Ինտեր Էքսպո» ընկերություն
info@interexpo.am, arm.interexpo@gmail.com, +374 77 05 0805
