Հացի արարումն Աստվածատուր է,- համոզված են “Գառնի Սուրիկի լավաշ” ընկերության հմուտ ու փորձառու մասնագետները
Ազգային բրենդ, Յունեսկոյի մշակութային գանձարանում գրանցված հայկական լավաշ. հաց, որ թխել են մեր պապերը: Հիրավի, գիտություն ու արվեստ, որ 100 ամյակներ անց մեզ է փոխանցվել՝ որպես ազգային ավանդույթ ու մշակույթ: Հայկական լավագույն ավանդույթների շարունակող “Գառնի Սուրիկի լավաշ” ընկերություն` անվիճելի համ և որակ:
Հացի արարումն Աստվածատուր է,- համոզված են “ԳառնիՍուրիկի լավաշ” ընկերության հմուտ ու փորձառու մասնագետները:
Հայկական ավանդական համեղ ու անուշաբույր <Գառնի Սուրիկի լավաշը> մինչ սպառողին հասնելն անցնում է որակի ու անվտանգության վերահսկման մանրակրկիտ ճանապարհ: Այստեղ հոգում են սպառողների մասին, ջանում հրամցնել միմիայն թարմ ու որակյալ արտադրանք:
Հացն ու, հատկապես լավաշը, հատուկ է միայն հնագույն մշակույթ ունեցող հայերիս: Այն մերն է արյան կանչով ու քարից հաց քամող մեր պապերի պատգամներով, մեզ ժառանգված սրբություն, որ պահպանել ու փայփայել է պետք: Հազարամյակների ճանապարհ անցած մեր անուշաբույր լավաշն այսօր էլ ունի նույն համն ու ախորժելի հոտը՝ շնորհիվ <Գառնի Սուրիկի լավաշ> ընկերության հմուտ հացթուխների:
Հայաստանյան շուկայում առաջինը հանդես բերելով նորամուծություն` <Գառնի Սուրիկի լավաշ> ընկերությունը 2012-ից մասնագիտացել է նաև դիետիկ լավաշի և գաթայի տեսականու արտադրության մեջ:
Գառնի Սուրիկի լավաշն, անկասկած, այսօր, հայկական շուկայում, ձեռք է բերել սիրված ու համեղ հայկական բրենդի համբավ: Այստեղ աշխատում են վարպետ- հացագործներ, որոնց համար հաց թխելը պարզապես զբաղմունք չէ: Այն դարձել է կենսաձև, որի մեջ շունչ ու հոգի են ներդնում: <Գառնի Սուրիկի լավաշ> ընկերությունում լավաշի արարմանը վերաբերվում են ամենայն բծախնդրությամբ:
Ընկերության հիմնադիր` Սուրիկ Հակոբյանը, որ հացարտադրության ոլորտի գիտակներից է, այսօր հպարտությամբ է խոսում թողարկվող հացամթերքի որակի մասին, որի պահպանմանը հետամուտ են մշտապես: Արտադրամասն ունի հմուտ ու բանիմաց հացթուխներ, որոնց շնորհիվ հունցվում ու հասունանում է ազգային հարստություն հացը, որ ախորժաբույր լավաշի տեսքով հասնում է սպառողին` արժանանալով օրհնության ու ջերմ գնահատանքի խոսքերի:
Պատահական չեն զանազան ցուցահանդեսներում որակի ու բարեխիղճ աշխատանքի համար ստացած բազմաթիվ հավաստագրերն ու մրցանակները: Այն գնահատանքի լավագույն վկայությունն է: <Գառնի Սուրիկի լավաշ>-ում խոստանում են` համեղ անակնկալներ դեռ կլինեն:
