Ստորին վերջույթների վարիկոզ հիվանդությունը բավականաչափ լայն տարածվածություն ունի։ Հաճախ խուսափելով վիրահատությունից՝ շատերը երկար ժամանակ կատարում են տարատեսակ գործողություններ և բազում դեղորայքային բուժումներ։ Սակայն վարիկոզ լայնացած երակների խնդիրն ամբողջ աշխարհում մեկընդմիշտ լուծվում է վիրահատական միջամտությամբ։
Այսօր ՀՀ-ում հասանելի են բոլոր ժամանակակից և լայն տարածում ստացած վիրահատությունների տեսակները։
Ներերակային լազերային կոագուլյացիան ներանոթային ջերմային մեթոդներից մեկն է, որը հնարավորություն է տալիս փակել վարիկոզ լայնացած երակները լազերային սարքի միջոցով։
Ներերակային ռադիոալիքային աբլյացիան նույնպես ջերմային մեթոդներից է։ Լազերային մեթոդի հետ համեմատած՝ հիմնական առավելությունն այն է, որ տվյալ դեպքում ջերմության աստիճանն ավելի ցածր է և երակի շրջակա հյուսվածքներն ավելի քիչ են ենթարկվում ջերմային փոփոխությունների։
Մեխանոքիմիական օբլիտերցիայի ժամանակ վարիկոզ լայնացած երակի մեջ անց է կացվում հատուկ կաթետեր, որը միաժամանակ ներսից վնասում է անոթի պատը,և ներարկվում է սկլերոզանտ (հատուկ նյութ, որի շնորհիվ երակի պատերը կպնում են իրար)։ Ջերմային մեթոդների համեմատ առավելությունն այն է, որ տվյալ միջամտության ժամանակ չեն կատարվում կտրվածքներ և անզգայացման անհրաժեշտություն չկա։
Բիոսոսնձի կիրառում, որն այսօր ամենաժամանակակից և ատրավմատիկ միջոցն է։ Բիոսոսինձը ներարկվում է վարիկոզ լայնացած երակի լուսանցք և սոսնձում երակը ներսից։ Այս վիրահատության ժամանակ նույնպես կտրվածքներ և անզգայնացում չի արվում։
Մինիֆլեբէկտոմիա, որի ժամանակ փոքր անցքերի միջոցով հեռացվում է վարիկոզ լայնացած երակներ։ Մեթոդի առավելությունն այն է, որ գրեթե բոլոր նշված վիրահատությունների ժամանակ էլ մինիֆլեբէկտոմիան կարող է կիրառվել որպես օժանդակ միջոց։
Բոլոր 5 միջամտություններն էլ օժտված են բարձր արդյունավետությամբ, կարճ հետվիրահատական շրջանով և գերազանց կոսմետիկ արդյունքով։ Նշված յուրաքանչյուր միջամտության կիրառումը ունի հստակ ցուցումներ՝ առավել էֆեկտիվ և արդյունավետ լինելու համար։
Խնդիրների դեպքում դիմեք մասնագետին` Լևոն Մանուկյանին:
+374 94 30 50 75
Վ. Ավագյանի անվան ԲԿ, Մոսկովյան 15