Պատմության մեջ առաջին անգամ, Հայաստանի կանանց հավաքականը թիմային հաշվարկով հռչակվեց Եվրոպայի չեմպիոն
![chempionn](https://i2.wp.com/hayacq.am/wp-content/uploads/2016/04/chempionn.jpg?resize=620%2C497)
Նազիկ Ավդալյանից հետո Եվրոպայի չեմպիոնի կոչումը նվաճեց նաեւ Հռիփսիմե Խուրշուդյանը, ինչի արդյունքում, պատմության մեջ առաջին անգամ, Հայաստանի կանանց հավաքականը թիմային հաշվարկով հռչակվեց Եվրոպայի չեմպիոն:
Նորվեգիայում ավարտին մոտեցող ծանրամարտի Եվրոպայի առաջնությունում Հայաստանը հերթական ոսկին նվաճեց:
Կանանց +75կգ քաշային կարգում Եվրոպայի ուժեղագույն մարզուհի ճանաչվեց ը: Պոկում վարժությունում Խուրշուդյանը 113կգ-ով գրավեց առաջին տեղը: Նույնքան կիլոգրամ էր բարձրացրել նաեւ Վրաստանը ներկայացնող Անաստասիա Հոտֆրիդը, սակայն անձնական քաշով Հռիփսիփեն ավելի թեթեւ էր, ուստի նա արժանացավ փոքր ոսկե մեդալի: Հրում վարժությունում Խուրշուդյանը եւս լավագույնն էր՝ 137կգ արդյունքով: Երկամարտի 250կգ արդյունքում Հռիփսիմե Խուրշուդյանը դարձավ Եվրոպայի չեմպիոն, իսկ Հայաստանը 3-րդ ոսկե մեդալը նվաճեց Եվրոպայի 2016թ. առաջնությունում:
Այս քաշային կարգում ելույթ ունեցավ նաեւ Հայաստանի մեկ այլ ներկայացուցիչ՝ 17-ամյա Արփինե Դալալյանը: Երկամարտի արդյունքում 213կգ եւ գրավեց 6-րդ հորիզոնականը: Հռիփսիմե Խուրշուդյանը 2-րդ անգամ դարձավ Եվրոպայի չեմպիոն: Առաջին անգամ նա նման պատվի արժանացել էր 2007թվականին, երբ ոսկե մեդալ էր նվաճել 75կգ քաշայինների պայքարում:
Եվրոպայի նորընծա չեմպիոնուհին ևս իր հաղթանակը նվիրեց Արցախում կռվող տղաներին….
Հիշեցնենք,որ երկու օր առաջ, 7 տարվա ընդմիջումից հետո Նազիկ Ավդալյանը նվաճեց Եվրոպայի չեմպիոնուհու կոչումը:
Ծանրամարտի Եվրոպայի առաջնության 69 կգ քաշային կարգում չեմպիոն դարձավ Հայաստանի ներկայացուցիչ Նազիկ Ավդալյանը, ով երկամարտում գրանցեց 237 կգ արդյունք:
29-ամյա մարզուհին ոսկե մեդալի համար համառ պայքար մղեց բելառուսցի Դարյա Պաչաբուտի հետ: Հաղթողը որոշվեց Ավդալյանի վերջին մոտեցմամբ, երբ հրում վարժությունում նա պատվիրել էր 132 կիլոգրամանոց ծանրաձողը, ինչը 1 կգ-ով ավելին էր քան բելառուսցու երկամարտի վերջնական արդյունքը` 236 կգ:
Փառահեղ Հաղթանակ : ՇՆՈՐՀԱՎՈՐՈՒՄ ենք բոլորիս : Իսկ գեղեցկուհիներին մաղթում ` այդպես շարունակել և միշտ ուրախություն պարգևել ժողովրդին :
Похожее
Մեկնաբանություններ
Մեկնաբանություն
2016-04-16