Ամբողջ աշխարհում այսօր կարևոր խնդիր է մարդկանց կյանքի որակի բարձրացումը, կապված հատկապես առողջությամբ պայմանավորված կյանքի որակի։ Նոյեմբերի 6-7-ին Երեւանում տեղի ունեցավ «Առողջությամբ պայմանավորված կյանքի որակ․ միջմասնագիտական մոտեցում» համաժողովը:
Այն կազմակերպել էին ` Երիտասարդ բժիշկների հայկական ասոցիացիան եւ Հայկական hակածերացման բժշկական ասոցիացիան:
Համաժողովին մասնակցում էին ինչպես Հայաստանի,այնպես էլ արտերկրի տասնյակ բժիշկներ:Մասնավորապես, Ռուսաստանի երիտասարդ բժիշկների համագործակցության նախագահ Իլյա Իլյինցեւը եւ փոխնախագահ Դմիտրի Բուլետովը։Միջազգային մասնակիցներ ներառող «Առողջությամբ պայմանավորված կյանքի որակ․ միջմասնագիտական մոտեցում» համաժողովը իր տեսակի մեջ անցկացված միջոցառումների մեջ եզակի էր թե թեմայի ընտրության,թե մասնակիցների լայն ընդգրկման առումով :
Ըստ Հայկական հակածերացման բժշկական ասոցիացիայի ղեկավար Իննա Պերսոյանի՝ որքան էլ լավ բուժեն հիվանդին. առաջավոր տեխնոլոգիաներով, բարձրակարգ սարքավորումներով և լավագույն հիվանդանոցում, եթե այդ ամենով հանդերձ, հիվանդի կյանքի որակը չի բարձրանում, նա միևնույն է՝ իրեն լավ չի զգա։
Համաժողովին քննարկվեցին բժշկության ոլորտում առկա բազմաթիվ խնդիրներ, զեկույցներով հանդես եկան բժշկական ոլորտի տարբեր մասնագետներ։ Քննարկվեցին սիրտ-անոթային հիվանդությունների, էնդոկրին խանգարումների, օսթեոպորոզի պատճառած անհարմարությունները, դաշտանադադարի, սեռական առողջության պահպանման, ավելորդ քաշի խնդիրները։
Համաժողովը նախատեսված էր տարբեր մասնագիտացում ունեցող բժիշկների համար՝ առանց տարիքային սահմանափակման։
«Առողջությամբ պայմանավորված կյանքի որակ. միջմասնագիտական մոտեցում» միջազգային գիտաժողովի շրջանակում ստորագրվեց Հայաստանի և Ռուսաստանի երիտասարդ բժիշկների միջեւ համագործակցության ու փոխըմբռնման մասին հուշագիր: Փաստաթուղթը ստորագրեցին Երիտասարդ բժիշկների հայկական ասոցացիայի նախագահ Գեւորգ Գրիգորյանը և Ռուսաստանի երիտասարդ բժիշկների միության գլխավոր տնօրեն Իլյա Իլյինցեւը: Վերջինիս խոսքով, կան բոլոր նախապայմանները՝ հայ գործընկերների հետ հետագա համագործակցության համար: Նրա խոսքով, հայկական բժշկությունը որոշակի վերելք է ապրում, քանի որ կան բժշկական զբոսաշրջության զարգացման նախադրյալներ, ինչը կարող է հետաքրքրել թե ՌԴ քաղաքացիներին, թե երիտասարդ բժիշկներին:
Գիտաժողովի ավարտին մասնագետներին հանձնվեցին հավաստագրեր, նաեւ՝ շարունակական մասնագիտական զարգացման (ՇՄԶ) կրեդիտներ։
«Հայացք» Փրոդաքշնը, հանդիսանալով միջոցառման տեղեկատվական հովանավոր, հետևում էր համաժողովի ընթացքին, հետաքրքիր քննարկումներին: Կարևոր այս իրադարձության մասին պատմող հաղորդում-ֆիլմը հրապարակվեց ընկերության պաշտոնական www.hayacq.am կայք-էջում: