Նոյեմբերի 3-4-ը Stomline dental clinic-ի և Dental Boutique-ի նախաձեռնությամբ Երևանում աշխատանքները կսկսի Վերականգնողական ստոմատոլոգիայի ազգային 2-րդ կոնգրեսը, որին կմասնակցեն ատամնաբուժության ոլորտի հեղինակավոր ու փորձառու մասնագետներ տարբեր երկրներից, ինչպես նաև Հայաստանից: Նրանք հանդես կգան գիտական զեկուցումներով, կներկայացնեն ոլորտի առաջավոր փորձը, կխոսեն առկա խնդիրների մասին, կկատարեն առաջարկություններ ու եզրահանգումներ: Համաժողովը բացառիկ հնարավորություն է ծանոթանալու ստոմատոլոգիայի բոլոր նորություններին ու նորարարական գաղափարներին, վերականգնողական ատամնաբուժության մեջ կիրառվող նորագույն տեխնոլոգիաներին:
1-ին օրն մասնակիցները հանդես կգան գիտական զեկուցումներով և կներկայացնեն իրենց փորձը:
2-րդ օրը, համաձայն համաժողովի ընթացակարգի, վարպետաց դասերի օր է: Ներկաները հնարավորություն կունենան մասնակցելու մեծ փորձ ու ճանաչում ունեցող ատամնաբույժների վարպետաց դասերին և ծանոթանալու ոլորտի լավագույն մասնագետների կատարած աշխատանքներին: Համաժողովի ավարտին մասնակիցները կստանան չընդմիջվող պրոֆեսիոնալ զարգացման (непрерывное профессиональное развитие (НПР) ) կրեդիտ:
Հավելենք՝ համաժողովը բարեգործական է և հավաքված ֆինանսական միջոցները կփոխանցվեն «Հայ մանուկ» հասարակական կազմակերպությանը:
Մանրամասների համար կարող եք զանգահարել 091 301 360, 043 320 032 հեռախոսահամարներով: