Սեպտեմբերի 13-ին Երևանում մեկնարկեց 2-րդ միջազգային մուլտիդիսցիպլինար համաժողովը՝«Միջդիսցիպլինար մոտեցում. քայլ դեպի ապագա» խորագրով, որին մասնակցում են հեղինակավոր ու փորձառու մասնագետներ աշխարհի տարբեր երկրներից, ինչպես նաև Հայաստանից: Նրանք հանդես կգան գիտական զեկուցումներով, կներկայացնեն բժշկագիտության ոլորտում ունեցած առաջավոր փորձը, կխոսեն առկա խնդիրների մասին, կկատարեն առաջարկություններ ու եզրահանգումներ: Համաժողովը բացառիկ հնարավորություն է ծանոթանալու ոլորտի բոլոր նորություններին ու նորարարական գաղափարներին: Աշխատանքները կկազմակերպվեն 2 բաժանմունքներում:
1-ին օրն աշխատանքները սկսեց ստոմատոլոգիայի, դիմածնոտային վիրաբուժության և ԼՕՌ բաժանմունքը: 2-րդը օրը դրանք կշարունակվեն էնդոկրինոլոգիայի և օստեոպորոզի բաժանմունքում: 3-րդ օրը համաժողովի կազմակերպիչները բոլորին հրավիրում են վարպետաց դասերի, որոնք կվարեն և իրենց անգնահատելի փորձը կփոխանցեն ոլորտի լավագույն մասնագետները:
Համաժողովն աշխատանքները կավարտի սեպտեմբերի 15-ին:
Բոլոր լուսանկարներն ԱՅՍՏԵՂ․․․