Բժշկուհի, երգչուհի, դերասանուհի, հաղորդավարուհի, քաղաքական, հասարակական գործիչ, գործարար-այս և շատ այլ մասնագիտության տեր կանայք տարբեր տարիների ընթացքում տեղ են գտել Զարուհի ամսագրի էջերում: «Զարուհին» ամսագիր է բացառապես կանանց համար: Այն ներառում է տարբեր հետաքրքիր ու յուրահատուկ խորագրեր:
Զարուհին մասնակցում էր Բյութի էքսպո 2015 ցուցահանդեսին՝ ներկայացնելով Z PR գովազդային հրատարակչության ընդհանուր գործունեությունը:
Ամեն 20-րդ թողարկված համարից հետո ամսագրի շապիկին հայտնված կանանց լուսանկարներով պատրաստվում է այսպիսի պաստառ: Ինչպես ամսագրի էջերում տեղ գտած կանայք են իրենց ոլորտներում հաջողակ ու կայացած, այնպես էլ ամսագիրը: Վկայությունը բազմաթիվ մրցանակներն են, որ Զարուհին ստացել է գործունեության տարիների ընթացքում:
Հայ կնոջ կերպարն անաղարտ պահող Զարուհի ամսագրի համար 2016 թվականը հոբելյանական է. լրանում է գործունեության 5 ամյակը: