Հայաստանի Հանրապետության գյուղատնտեսության նախարարությունը, Հայաստանի արդյունաբերողների և գործարարների (գործատուների) Միությունը և INTER EXPO ցուցահանդեսային ընկերությունը առաջարկում է այցելել “ArmProd EXPO 2015” միջազգային մասնագիտացված ցուցահանդեսին, որը տեղի կունենա 2015 թվականի հոկտեմբերի 16 – 18 “Yerevan EXPO” ցուցահանդեսային համալիրում` Հ. Հակոբյան 3 հասցեում՝ Մերգելյան ինստիտուտի տարածքում:
Մեծ հեղինակություն վայելող և ձևավորված ավանդույթներով hանրապետության խոշորագույն միջազգային սննդի “ArmProd EXPO” ցուցահանդեսը համարվում է տարվա գլխավոր իրադարձություններից մեկը, որին մասնակցում են սննդամթերքի և խմիչքների առաջատար արտադրողները, մատակարարները և դիստրիբյուտորները:
Սննդարդյունաբերության ոլորտի առաջատար հայրենական կազմակերպությունները և սննդի խոշորագույն հայկական ընկերություններն ընտրում են այս ցուցահանդեսը` ներկայացնելու իրենց արտադրանքը և ինովացիոն մշակումները, քանի որ “ArmProd EXPO” ցուցահանդեսը նպաստում է բարձրորակ սննդամթերքի իրացմանը, կոմերցիոն արդյունավետությանը և ժամանակակից փոփոխվող շուկային համապատասխանող նոր մոտեցումներ ու գործնական լուծումների հայտնաբերմանը:
Հատկանշական է, որ ոլորտի առաջատար ընկերությունների հետ միասին ցուցահանդեսին մասնակցում են նաև փոքր և միջին բիզնեսի ներկայացուցիչներ, ում արտադրանքը արդեն որոշակի տեղ է գրավում երկրի ներքին շուկայում, և “ArmProd EXPO” ցուցահանդեսը բացառիկ հնարավորություն է ընձեռում հանգամանորեն ցուցադրել սննդամթերքի ողջ տեսականին, առավել լիարժեք ուսումնասիրել և ստանալ անհրաժեշտ տեղեկատվություն Հայաստանում և ողջ տարածաշրջանում գործող կազմակերպությունների, ապրանքանիշերի մասին, ստանալ գործնական տեղեկատվություններ ու կանխատեսումներ շուկայի զարգացման մասին, գտնել շահավետ գործընկերներ կամ օտարերկրյա ներդրողներ: “ArmProd EXPO” ցուցահանդեսը նպաստում է նաև արտադրողների, դիստրիբյուտորների, բիզնես-խորհրդատուների, սպառողական շուկայի հետազոտողների անմիջական բանակցություններին:
“ArmProd EXPO” ցուցահանդեսը ամբողջությամբ ընդգրկում է Հայաստանի սննդի շուկան և հատվածավորվում է թեմատիկ բաժինների` համախմբելով սննդամթերքի արտադրության և վերամշակման գրեթե բոլոր ոլորտները խոշորագույն սննդի ցուցահանդեսում, և արտացոլում ներքին և արտաքին ագրոբիզնեսի զարգացման հիմնական միտումները:
Հոկտեմբերի 17 — ին “ArmProd EXPO 2015” ցուցահանդեսի շրջանակներում տեղի կունենա Հայաստանի խոշորագույն “Ագրոֆորումը”` նվիրված գյուղատնտեսության զարգացման և գյուղատնտեսական արտադրանքի արդյունաբերական վերամշակման հարցերին:
“ArmProd EXPO 2015” ցուցահանդեսի անցկացման վայրը՝ “Yerevan EXPO” ցուցահանդեսային համալիրում` ՀՀ, ք. Երևան, Հ. Հակոբյան 3 հասցեյում՝ Մերգելյան ինստիտուտի տարածքում:
“ArmProd EXPO 2015” ցուցահանդեսի անցկացման ամսաթիվը՝ 2015թ. հոկտեմբերի 16 – 18:
Բացման պաշտոնական արարողությունը՝ 2015թ. հոկտեմբերի 16— ին, ժամը 15:00:
“Ագրոֆորում”-ի անցկացման ամսաթիվը՝ հոկտեմբերի 17 — ին:
Փակման պաշտոնական արարողությունը՝ 2015թ. հոկտեմբերի 18 — ին, ժամը 16:00:
Ցուցահանդեսի հիմնական նպատակներն ու խնդիրները`
- նորիրացման շուկաների որոնում,
- օտարերկրյա ներդրումների ներգրավում Հայաստանիտնտեսություն,
- Հայաստանի տնտեսական ներուժի ցուցադրում,
- նոր գործընկերների որոնում:
“ArmProd EXPO 2015” ցուցահանդեսի հիմնական թեմատիկ բաժիններն են.
Գինիներ, շամպայն, կոնյակ, օղի, լիկյոր
Բնական հյութեր, գարեջուր, հանքային ջրեր և ոչ ալկոհոլային խմիչքներ
Մսի եւ կաթնամթերքի արտադրություն
Յուղի և ձեթի արտադրություն
Սառեցված կիսաֆաբրիկատներ
Պահածոյացված մրգեր եւ բանջարեղեն
Հրուշակեղեն
Սուրճ, թեյ, նպարեղեն
Ծխախոտ եւ ծխախոտային արտադրատեսակներ
Կազմակերպչի մասին
INTER EXPO ընկերությունը ՀՀ կառավարության, ՀՀ նախարարությունների և գերատեսչությունների, միությունների, ՀՀ-ում օտարերկրյա դեսպանատների աջակցությամբ ամեն տարի անցկացնում է մասնագիտացված ցուցահանդեսներ, որոնք արտացոլում են ազգային տնտեսության զարգացման դինամիկան:
Լրացուցիչ տեղեկություններ ստանալու համար կարող եք դիմել INTER EXPO մամլո ծառայություն:
Հեռ.: +374 (077)05 0805
E-mail: arm.inter@gmail.com
URL: www.agro.am
Հայտնվի՛ր իրադարձությունների կենտրոնում