Արդեն 20 տարի ՄՈՒԼՏԻ-ԱԳՐՈ «ԳԻՏԱԱՐՏԱԴՐԱԿԱՆ ԿԵՆՏՐՈՆՆ» իր ձեռքբերումներով նպաստում է Հայաստանի տնտեսության զարգացմանը: Ընկերությունը սպառողին մշտապես էկոլոգիապես մաքուր ու որակյալ արտադրանք է տալիս:2003 թվականից կենտրոնի հիմնադիր Ռոզա Ծառուկյանի անմիջական ղեկավարությամբ վերագործարկվեց Մեղրու փորձարարական բազան, որի շնորհիվ լայնորեն զարկ տրվեց մեղվաբուծության զարգացմանը: 2005-ից Ռոզա Ծառուկյանը նաև Մեղվաբույծների ասոցիացիայի նախագահն է: Սկզբում 20, իսկ այժմ մոտ 600 մեղվաընտանիք ունի: Հասել է նրան, որ անարատ մեղրն արտահանվում է եվրոպական երկրներ:
ՄՈՒԼՏԻ-ԱԳՐՈ «ԳԻՏԱԱՐՏԱԴՐԱԿԱՆ ԿԵՆՏՐՈՆԸ» իր սննդամթերքի հարուստ տեսականիով մասնակցում էր «ՊանԱրմենիան Էքսպո 2015» բազմաբնույթ ցուցահանդեսին: Այցելուները հնարավորություն ունեին ճաշակելու նրանց ներկայացրած համեղ բարիքները: Ցուցահանդեսն իր մասնակցությամբ պատվել էր վարչապետ Հովիկ Աբրահամյանը: Ընկերության հիմնադիր Ռոզա Ծառուկյանի հետ զրույցի ժամանակ նա առիթ ունեցավ ևս մեկ անգամ ծանոթանալու ընկերության գործունեության, խնդիրների և հեռանկարների մասին:
«ՊանԱրմենիան Էքսպո 2015» վեցերորդ միջազգային բազմաբնույթ ցուցահանդեսի փակման արարողությանը մի շարք կազմակերպություններ արժանացան խրախուսական մրցանակների, նաև՝ մասնակցության հավաստագրերի: ՄՈՒԼՏԻ-ԱԳՐՈ «ԳԻՏԱԱՐՏԱԴՐԱԿԱՆ ԿԵՆՏՐՈՆԸ» հերթական անգամ հաղթանակ գրանցեց: Իր ունեցած բազմաթիվ մրցանակների շարքն ընկերությունը համալրեց ևս մեկով. ոսկե մեդալ՝ գյուղատնտեսության ոլորտում մասնակից ընկերությունների շարքում առաջատարը ճանաչվելու համար:
