«ԱՌՈՂՋԱՊԱՀՈՒԹՅՈՒՆ XXI ԴԱՐ»-ը՝ տարածաշրջանի խոշորագույն բժշկական մասնագիտացված ցուցահանդեսներից մեկն է, որը ներառում է առողջապահության ոլորտի բոլոր հիմնական բաժինները: Ցուցահանդեսը հիանալի հնարավորություն է ընձեռում ծանոթանալ կիրառական բժշկության, բուժման մեթոդների, հիվանդությունների ախտորոշման և վաղ փուլերում կանխարգելման նորագույն ձեռքբերումների հետ, քանզի այն համախմբում է բժշկական, դեղագործական և ատամնաբուժական արդյունաբերության առաջատար ընկերություններին:
«ԱՌՈՂՋԱՊԱՀՈՒԹՅՈՒՆ XXI ԴԱՐ» ցուցահանդեսի կազմակերպիչներն են ՀՀ Առողջապահության նախարարությունը և «Ինտեր Էքսպո» ցուցահանդեսային ընկերությունը:
Մարդու առողջությունը Հայաստանի ազգային քաղաքականության կարևորագույն և գերակա հիմնահարցերից է: Պետությունը առանձնահատուկ ուշադրություն է դարձնում առողջության պահպանման համակարգին, նրա նյութա-տեխնիկական բազայի հարստացմանն ու ամրապնդմանը: Վերջին տարիներին հայկական բժշկությունը զգալի հաջողությունների հասել է կանխարգելման, ախտորոշման և բուժման հեռանկարային մեթոդների մշակման գործում: Հաջողությամբ յուրացվում են առաջատար տեխնոլոգիաները, ստեղծվում են նոր դեղամիջոցներ:
«ԱՌՈՂՋԱՊԱՀՈՒԹՅՈՒՆ XXI ԴԱՐ» ցուցահանդեսը տալիս է եզակի հնարավորություն ծանոթանալ ոլորտի առաջատար մասնագետների կարծիքներին և ստանալ արժեքավոր խորհուրդներ:
Ցուցահանդեսի հիմնական նպատակներն են՝
- բժշկական տեխնիկայի, սարքավորումների և դեղամիջոցների առաջատար արտադրողների ներգրավում,
- առողջապահության ոլոտում աշխատող մասնագետների ներգրավում,
- կիրառական բժշկության նորարարական արտադրանքի առաջխաղացման համար նպաստավոր պայմանների ստեղծում,
- նոր գործարար հարաբերությունների համար արդյունավետ հարթակի ստեղծում:
Ցուցահանսեդի շրջանակներում կանցկացվեն աշխատաժողովներ, կլոր սեղաններ, շնորհանդեսներ:
Առաջին հարկում առանձին տաղավարով ներկայացված կլինեն ատամնաբուժական ընկերություններ:
«Ինտեր Էքսպո» ընկերությունը, որպես կազմակերպիչ կանի հնարավոր ամեն ինչ, որպեսզի ձեր մասնակցությունը «ԱՌՈՂՋԱՊԱՀՈՒԹՅՈՒՆ XXI ԴԱՐ» ցուցահանդեսային լինի առավելագույնս հարմարավետ:
Ցուցահանդեսը տեղի կունենա 2016թ. մարտի 1-3-ին, ՀՀ Կառավարության շենքի Նիստերի դահլիճի նախասրահում՝ Մելիք-Ադամյան 1-ի հասցեում:
Մենք սպասում ենք Ձեզ
Հարգանքներով,
«Ինտեր Էքսպո» ընկերություն
info@interexpo.am, arm.interexpo@gmail.com, +374 77 05 0805
INFORMATION PARTNER
