Սեպտեմբերի 13-15-ը Երևանում կանցկացվի 2-րդ՝ միջազգային մուլտիդիսցիպլինար համաժողովը՝«Միջդիսցիպլինար մոտեցում. քայլ դեպի ապագա» խորագրով: Կմասնակցեն հեղինակավոր ու փորձառու մասնագետներ աշխարհի տարբեր երկրներից, ինչպես նաև Հայաստանից, որոնք հանդես կգան գիտական զեկուցումներով, կներկայացնեն բժշկագիտության ոլորտում ունեցած առաջավոր փորձը, կխոսեն առկա խնդիրների մասին, կկատարեն առաջարկություններ ու եզրահանգումներ: Համաժողովը կստեղծի բացառիկ հնարավորություն ծանոթանալու ոլորտի բոլոր նորություններին ու նորարարական գաղափարներին: Բժշկագիտության մեջ այս մեծ իրադարձության բացումն ազդարարելուց հետո, աշխատանքները կկազմակերպվեն 2 բաժանմունքներում: 1-ին օրն աշխատանքները կսկսի ստոմատոլոգիայի, դիմածնոտային վիրաբուժության և ԼՕՌ, իսկ 2-րդը օրը՝ էնդոկրինոլոգիայի և օստեոպորոզի բաժանմունքները: 3-րդ օրը համաժողովի մասնակիցները բոլորին հրավիրում են վարպետաց դասերի, որոնք կվարեն և իրենց անգնահատելի փորձը կփոխանցեն ոլորտի լավագույն մասնագետները:
Ավարտին՝ ներկաները հրավիրվում են մասնակցելու մշակութա-ժամանցային բովանդակալից ծրագրի, որի ընթացքում սպասվում են հետաքրքիր անակնկալներ:
Շտապե՛ք, համաժողովին հաշված օրեր են մնացել: Ձեր մասնակցությունն ամրագրելու և բոլոր հարցերի պատասխանները ստանալու համար կարող եք դիմել հետևյալ հեռախոսահամարով՝ 094 789 878: