AQUA Systems ընկերության հրավերով Հայաստան են ժամանել իտալական ITALTHERM ընկերության ներկայացուցիչները: Մի ընկերություն, որն աշխարհին հայտնի է որակյալ, հուսալի և էներգախնայող գազի ջերմային կաթսանների թողարկումով: Նշենք, որ աշխարհում հայտնի այս ընկերության միակ ներկայացուցիչը Հայաստանում հենց AQUA Systems-ն է:
Հոկտեմբերի 12-ին AQUA Systems-ի նախաձեռնությամբ Double tree հյուրանոցային համալիրում տեղի ունեցավ հանդիպում իտալացի գործընկերների հետ: Մասնակցում էին ոլորտի առաջատար կազմակերպությունների ներկայացուցիչները, «Հայացք» ընկերությունը և բոլոր հետաքրքված մարդիկ:
ITALTHERM ընկերությունն ու այստեղ թողարկվող արտադրանքը ներկայացրեց միջազգային վաճառքի գծով տնօրեն Մարկո Ադորնին: Իտալացի մասնագետը տեղեկացրեց, որ գազի ջերմային կաթսաները թողարկում է ITALTHERM նույնանուն ընկերությունը, որն իր գործունեության ընթացքում կարողացել է հարգանք ու հեղինակություն վաստակել ողջ աշխարհում: Բանախոսն անդրադառնալով իրենց գրանցած հաջողություններին՝ ասաց, որ համագործակցում են միջազգային առևտրային բազմաթիվ կազմակերպությունների հետ, որոնց թվում է նաև Հայաստանում իր գործունեությամբ վստահություն նվաճած AQUA Systems –ը: Նա նշեց, որ ընկերությունը մշտապես ձգտում է գնորդներին տրամադրել առավելագույնս որակյալ, ժամանակի պահանջներին համապատասխան, էներգախնայող գազի սարքավորումներ: Այնուհետև, Ադորնին հանգամանորեն ներկայացրեց իրենց արտադրանքի տեխնիկական մանրամասները՝ նշելով, որ գազի կաթսաների թողարկման ընթացքում օգտագործվում են նորագույն տեխնոլոգիաներ, ներդրվում նորամուծություններ ու մեծ ուշադրություն դարձվում արտադրանքի դիզայնին: Պատահական չէ, որ ITALTHERM-ի թողարկած գազի ջերմային կաթսաներն արտահանվում են աշխարհի շատ երկրներ և վայելում մեծ պահանջարկ:
Իտալացի գործընկերները պատմեցին նաև մեր երկրից ստացած տպավորությունների մասին. հիացած էին Հայաստանով, Երևանի անկրկնելի գեղեցկությամբ, հայերի հյուրընկալությամբ ու հյուրասիրությամբ: Նրանք սիրով պատասխանեցին նաև ներկաներին հետաքրքրող հարցերին:
Ավարտին տեղի ունեցավ հյուրասիրություն, որի ընթացքում հյուրերն ու ներկաները հնարավորություն ունեցան ավելի մտերմիկ ու անկեղծ միջավայրում զրույցի բռնվելու և ծանոթանալու միմյանց հետ:
AQUA Systems -ի նախաձեռնությամբ կազմակերպված այս հանդիպումը ևս մեկ անգամ հավաստեց, որ Հայաստանում վաճառվող ITALTHERM-ի թողարկած գազի ջերմային կաթսաները բարձրորակ են, հուսալի ու էներգախնայող, ինչպես նաև աչքի են ընկնում գեղեցիկ դիզայնով: ITALTHERM-ի որակյալ գազի ջերմային կաթսաները կարող եք ձեռք բերել AQUA Systems ընկերության խանութից:
Հասցեն՝ 0070 Երեւան, Վարդանանց 26/1, հեռ. 010551131:
